| Filmla | Дата: Вторник, 12.07.2011, 12:09:28 | Сообщение # 1 |
 moro bo'sin
Группа: Administrator
Сообщений: 2587
Награды: 6
Репутация: 3
Статус: Оффлайн
| - Endigina ko'zi yorigan ona o'zita kelar-kelmas «Bolajonimni ko'rsating», deya intiqlik bilan atrofidagilardan iltimos qildi. Chunki u endi ona bo'lgan, ona degan ulug maqomga erishgan, onalik baxtidan sarmast edi. To'qqiz oy qornida ehtiyotlab ko'tarib yurgan vujudining bir parchasini ko'rishni hayajon bilan kutardi. Quchogiga yo'rgaklangan chaqaloqni tutishdi. Baxtiyor ona farzandining jajjigina yuzini ko'rish uchun uning yuziga yopilgan yo'rgakni ko'tardi. Ammo birdaniga rangi oqarib, tili kalimaga kelmay qoldi, yuzida bir oz avvalgi baxtiyorlikdan asar ham qolmagandi. Ona va bolani kuzatib turgan doktor orqasini o'girib, tezda xonadan chiqib ketdi. Chunki... chaqaloqning quloqlari yo'q edi...
O'tkazilgan tibbiy tekshiruvlar natijasida bolaning eshitish qobiliyati nuqsonsiz ekani, faqatgina ko'rinishini buzib turuvchi quloqlarsiz tugilgani ma'lum bo'ldi.
Oradan yillar o'tdi, bolakay ulgayib, maktabga chiqdi. U darslarni juda yaxshi o'zlashtirar, faqat a'lo baholarga o'qir, o'rtoqlari ham uni hurmat qilishardi. Ammo kimdir achinib, kimdir uning muvaffaqiyatlarini ko'rolmay ba'zan orqavarotdan, ba'zan esa yuziga nuqsonli ekanini aytishar, bu gapdan bola juda o'kinardi, o'ksinardi. Shu sababli ham odamlarga qo'shila olmasdi, doimo o'zini olib qochardi. U taqdirning bergan «tuhfa»siga sabr-bardosh bilan ulg'aysa-da, yuzida hecham kulgu ko'rinmasdi, doimo mahzun yurardi.
O'glini har ko'rganda yurak-bagri ezilib ketadigan onasi unga doimo «Mundoq odamlarga qo'shilsang-chi, sen ham o'ynab, kulsang-chi axir», deb yolvorar, ammo ayni vaqtda dardiga yana dard qo'shilardi. Bir kuni dadasi bolani umid bilan mashhur bir doktor huzuriga olib bordi va o'glini bu holatdan qutqarish uchun biron chora topishini so'radi. Doktor agar bir juft quloq topilsa, amaliyot orqali bu muammoni hal qilish mumkinligini aytdi. Yuraklari darddan ezilib ketgan ota-onada umid uchquni paydo bo'lib, har tomonga bosh urib ko'rishdi. Ammo kim ham o'zining quloqlarini fido qilgisi keladi, deysiz. Chet ellarda bor, deb eshitishdi, lekin uning narxini umr bo'yi ishlab ham to'lay olmasdilar. Shunday bo'lsa ham ota-ona ikki yil davomida butun kuch-g'ayratlarini shu ishga sarflashdi.
Va nihoyat bir kuni dadasi unga «Operatsiyaga tayyorgarlik ko'r, senga quloqlarini sotadigan bir kishini topdik, faqat unutma, bu insonning kimligi sir», dedi. Amaliyot poytaxtdagi nomi chiqqan klinikada taniqli doktorlar tomonidan muvaffaqiyatli nihoyalandi. Bola tamoman yangi bir insonga aylangan edi. Tashqi ko'rinishi bilan birga ruhiyati ham o'zgargan yigitcha maktabni a'lo baholarga bitirdi, jamiyatda ham o'zining munosib o'rniga ega bo'ldi, juda katta muvaffaqiyatlarga erishdi. Universitetni qizil diplomga tugatib, diplomat bo'ldi, uylandi, bola-chaqa orttirdi. Bir kuni u avvalgi hayotini xo-tirlab, otasining holi-joniga qo'ymay so'radi:
- Menga bu qadar yaxshilik qilgan inson kim o'zi, garchi uning yaxshiligini butun umrimni bagishlab ham qaytarolmasam-da, o'ni bir ko'rsam, minnatdorlik bildirsam...
Otasi esa unga «Albatta, u odamning yaxshiligini hech qachon qaytarolmaysan, ammo biz kelishganmiz, bu sir saqlanishi kerak, bir kun vaqti kelib bilib olarsan», dedi.
Oilaning butun a'zolari bu sirni - u fidokor odamning kim ekanini uzoq yillar davomida saqlashdi. Ammo bu dunyodagi hamma narsaning ham oxiri bo'lganidek, bir kuni bu sirning ham oshkor qilish vaqti etib keldi.
Shu kungacha farzandini oq yuvib, oq tarab kelgan onaning umr sarmoyasi tugab, bu dunyoni tark etdi. Janozadan avval otasi yigitni onasi yotgan xonaga chaqirdi va qo'llari bilan asta onasining kumushdek tovlanayotgan oq sochlarini ko'tardi - uning quloqlari yo'q edi. «Jafokash onang doimo ro'mol o'rab, yopinchiq ichida yurgani uchun bu ishidan hech qachon pushaymon bo'lmadi, aksincha, u juda baxtiyor yashadi», deya shivirladi otasi. «Va hech kim onangning go'zalligida hech qanday nuqson, kamchilik sezmadi, shunday emasmi? Haqiqiy go'zallik insonning tashqi ko'rinishida emas, balki uning qalbidadir! Haqiqiy baxt ko'rgan narsangda emas, balki ko'rinmagan joyda... Haqiqiy sev-gi qilingani ma'lum narsada emas, balki qilingani holda bilinmaydigan, ko'rinmaydigan joydadir!».
Muhammadjon SOBIROV tarjimasi
http://uzmegavideo.ucoz.ru/
|
| |
|
|
| UZMEGA | Дата: Среда, 27.07.2011, 07:41:01 | Сообщение # 2 |
 Лейтенант
Группа: Moderator
Сообщений: 61
Награды: 0
Репутация: 0
Статус: Оффлайн
| 
WWW.UZMEGA
|
| |
|
|
