Дата: Вторник, 12.07.2011, 18:35:24 | Сообщение # 1
Группа: Удаленные
Assalamu aleykum wr wb! Hurmatli muslim va muslimalar! Ushbu sahifa yordamida Islom dinimizni yanada yahshiroq o'rganishga harakat qilamiz. Bu yerdagi berilayotgan ma'lumotlar juda ham oddiy tuyulishi mumkin. Lekin ko'pchiligimiz bularni yahshi bilmasligimiz, tushunmasligimiz ham inkor qilib bo'lmaydigan haqiqatdir. Biz darslarni imkon qadar qisqaroq va tushunarliroq bo'lishligiga harakat qilamiz. Maqsad o'quvchilar malollanib yoki zerikib qolmasinlar. Siz azizlarga esa bu yerda berilayotgan ma'lumotlarni aynan bo'lmasa ham mazmunini yodlab, o'zingizga singdirib borishingizni tavsiya qilamiz. Alloh taolo bu ishimizni O'zi oson aylasin, holis O'zi uchun qilingan ammallar qatorida qilsin va barchalarimiz uchun foydali qilsin! Amiyn yaa Robbal A'lamiyn! Assalamu aleykum wr wb!
1- DARS: Mavzu: Din va shariat – Din va shariat nima? - Alloh taoloning bandalariga yuborgan hukmlari to’plami. - Alloh taolo bandalariga qanday hukmlar yuborgan? - Bandalariga dunyo va oxirat rohatlariga yetishmoqlari uchun to’g’ri yo’l-yo’riqlardan iborat hukmlar yuborgan. - U hukmlarda qanday ishlarning bayoni bor? - Banda qilishi lozim bo’lgan va qilishi ta’qiqlangan vazifalarning bayoni bor. - Alloh taolo din va shariat hukmlarini bandalariga qaysi yo’l bilan bildirdi? - Alloh taolo bandalari ichida eng loyiqlarini payg’ambar etib sayladi va o’sha payg’ambarlarga farishta Jabroil (a.s.) vositasida din hukmlarini o’rgatdi. So’ngra payg’ambarlar bu hukmlarni odamlarga yetkazdilar. http://uzmegavideo.ucoz.ru/
2-DARS Mavzu: IYMON VA ISLOM - Imon nima? - Alloh taolodan kelgan haq dinga ishonmoq imondir. - Islom nima? - Alloh taolodan kelgan haq dindir. Bu dinga ishonib, shu dinda buyurilgan vazifalarni bajarishga intilish barcha bandalarning burchidir. - Bizlar qaysi payg’ambarning ummatlarimiz? - Muhammad alayhissalomning ummatlarimiz. Muhammad alayhissalomga kelgan dinga ishonib, o’sha dinda buyurilgan amallarni qilamiz, unda ta’qiqlangan amallarni tark etamiz. - Alloh taolodan Muhammad alayhissalomga kelgan dinning nomi nima? - Islom. Alhamdulillah, biz ushbu dinga e’tiqod qo’ygan mo’min-musulmondirmiz. http://uzmegavideo.ucoz.ru/
3-DARS 1-qism Mavzu: AMAL - Amal nima? - Bandaning hayotda qilgan ishlari. - Islomda bandaning amali necha qismga bo’linadi? - Hammasi sakkiz qismga bo’linadi: Birinchisi – farz. Ikkinchisi – vojib. Uchinchisi – sunnat. To’rtinchisi – mustahab. Beshinchisi – muboh. Oltinchisi – harom. Yettinchisi – makruh. Sakkizinchisi – mustakrah. Ushbu sakkiz qism amalning ba’zilarini bajarish shart, ba’zilarini bajarmaslik shart. Yana ayrimlarini qilish-qilmaslik ixtiyoriy. - Farz qanday amal? - Farz Alloh taolo buyurgan amaldir. Uni qilgan kishi savob topadi. Uzrsiz bajarmagan kishi gunohkor bo’ladi. Uning zarurligiga ishonmagan kishi esa kofir va imonsiz sanaladi. - Farz amali qaysi holatlarda ko’rinadi? - Alloh taologa imon keltirish, Islom dinidagi besh vaqt namozni o’qish, ramazon oyida har kuni ro’za tutish, zakot berish va haj qilish. - Vojib qanday amal? - Vojib – Islom dinida bajarilishi shart bo’lgan amal. Uni bajargan kishi savob oladi, bajarmaganlar gunohkor bo’ladi. Vojib amalga ishonmagan kishi kofir va imonsiz bo’lmasa ham, katta gunohga botadi. - Qanday amallar vojib amalga kiradi? - Vitr namozini o’qish, hayit namozlarini o’qish, sadaqa va fitr berish, qurbonlik so’yish, Qur’ondan sajda oyatlari o’qilgan paytda sajda qilish kabilar. - Sunnat qanday amal? - Payg’ambarimiz Muhammad alayhissalomning qilgan amallari. Sunnat amalini qilgan kishi savob topadi. Qilmagan kishi gunohkor bo’lmasa-da, qiyomat kuni malomatga qoladi, Payg’ambarimiz shafoatlariga loyiq bo’lmaydi. - Sunnat amali nimalarda ko’rinadi? - Yaxshi ishlarni «Bismillahir rohmanir rohim», deya boshlash, mo’min kishilarga salom berish, Qur’on o’qishni «A’uzu billahi minash shaytonir rojim» so’zlari bilan boshlash singari amallardir. - Mustahab qanday amal? - Mustahab Payg’ambarimiz Muhammad alayhissalom ba’zan bajargan va ba’zan bajarishni lozim ko’rmagan amaldir. Uni qilgan kishi savob topadi. Ammo qilmasa, gunohkor bo’lmaydi. Qiyomat kuni azob va malomatga ham qolmaydi. - Mustahab amaliga qanday yumushlar kiradi? - Nafl namoz o’qish va nafl ro’za tutish, nafl sadaqa berish va doim tahoratli yurish kabilar. http://uzmegavideo.ucoz.ru/
3-DARS 2-qism Mavzu: AMAL - Muboh qanday amal? - Muboh shunday amalki, qilinsa ham, qilinmasa ham durust bo’laveradi. Undan kishi savob ham, gunoh ham topmaydi. Qilish-qilmaslik bandaning ixtiyoridadir. - Qanaqa amallar mubohga misol bo’ladi? - Halol taomlarni yeyish, halol ichimliklarni ichish, o’tirish, turish, yurish va zararsiz so’zlarni so’zlash. - Harom qanday amaldir? - Harom Islom dinida qat’iy ta’qiqlangan amaldir. Uni qilgan kishi qattiq gunohga botadi, uni halol, deguvchilar kofir va imonsiz hisoblanadi. - Qanday ishlar harom qilingan? - Nohaq odam o’ldirish, odamzotga va hayvonotga zulm qilish, g’iybat qilish, o’g’irlik, yolg’onchilik, aroqxo’rlik va zinokorlik kabi ishlar. - Makruh qanday amal? - Makruh Islom dini ta’qiqlagan amal. Makruhni qilmagan kishi savobga qoladi, qilgan kishi esa azoblanishi mumkin. Uni qilgan kishi kofir bo’lmasa-da, gunohga botadi. - Makruh amali nimalarda ko’rinadi? - Masjidga tuflash, (fahsh) nag’malarga quloq solish, odobsiz she’rlarni kuylab hofizlik qilish, odamlar ichida masxarabozlik qilish, uyatsiz she’rlarni bitish kabilar makruh amallardir. - Mustakrah qanday amal? - Mustakrah shunday amalki, uni qilgandan ko’ra qilmagan yaxshiroqdir. Qilgan kishi gunohkor sanalmasa-da, odobsiz bo’ladi. Qiyomatda azobga qolishi mumkin. - Mustakrahga qanday amallar kiradi? - Taomni katta-katta yeyish, bozorda, ko’chada ovqatlanish, baland ovoz bilan kekirish va hayqirib esnash kabilar. http://uzmegavideo.ucoz.ru/
4-DARS Mavzu: BALOG'AT VA OQILLIK - Farz, vojib, sunnat amallarini qilish va harom, makruh, mustakrah amallarini qilmaslik kimlarga buyurilgan? - Balog’at yoshiga yetgan va aqlini tanigan kishilarga. - Balog’at yoshidagilar kimlardir? - Kamolotga yetgan kishilardir. Go’daklar balog’at yoshida emaslar. - Kimlarni oqil desa bo’ladi? - Aqlli kishilarni. Aqli zaif odamlar oqillar hisobiga kirmaydi. - Go’daklar va devonalar farzu vojib amallarni ado qilmasalar yoki harom amallardan saqlanishga qodir bo’lmasalar gunohkor bo’ladilarmi? - Gunohkor bo’lmaydilar. Chunki ular uzrlidirlar. - Necha yoshlarida balog’atga yetadilar? - O’g’il bolalar erkaklik alomati bilinganida. Ya’ni, o’n ikki yoshlarida. Qizlarda qizlik alomati zohir bo’lganida. Ya’ni, to’qqiz yoshlarida. - Mazkur yoshlarda ul alomatlar zohir bo’lmasa, necha yoshda balog’atga yetgan hisoblanadi? - O’n besh yoshlarda. Bolig’ va oqil bo’lgandan so’ng har bir kishiga umri oxirigacha shariat buyurgan har bir amalni qilish va man etilganini qilmaslik lozim bo’ladi. http://uzmegavideo.ucoz.ru/
5-DARS Mavzu: IBODAT - Musulmon kishiga farz amallar va ibodatlarning ulug’rog’i qaysilar? - Ulug’rog’i beshta amaldir. Birinchisi – Alloh taoloning borligiga, har bir sifatiga va Islom diniga, buyurilgan har bir hukmning haqligiga ishonish. Ikkinchisi – har kuni besh vaqt namoz o’qish. Uchinchisi – ramazon oyi davomida har kuni ro’za tutish. To’rtinchisi – ortiqcha molidan har yili bir marta muhtojlarga zakot berish. Beshinchisi – qurbi yetsa, umri davomida bir bora Makkai Mukarramaga borib haj qilish. http://uzmegavideo.ucoz.ru/
6-DARS Mavzu: IMON VA IQROR - Imon nima? - E’tiqod qilmoq, ya’ni ishonmoq. Butun olamlarning yaratuvchisi va egasi bo’lgan Alloh taoloning borligiga, yolg’izligiga, ulug’ sifatlariga, Muhammad alayhissalomning payg’ambar – elchi ekaniga, ul zotga yuborilgan kitob – Qur’oni karimning haq kitob ekaniga ishonmoq – imondir. - Musulmon bo’lish uchun faqat Islom dinining haqligiga ishonish kifoyami? - Haqiqiy mo’min bo’lmoq uchun kishi chin dil bilan ishonishi, ishonganini bayon qilishi lozim. Dilida ishonsa-yu tilida iqror bo’lmasa yoki aksincha, tilida aytsa-yu dilida tan olmasa, mo’min hisoblanmaydi. - Nima qilsa, tili bilan iqror bo’lgan hisoblanadi? - Ushbu kalimai shahodatni ta’kidlamog’i lozim: «Ashhadu anla ilaha illallohu va ashhadu anna Muhammadan ‘abduhu va rosuluh». Ma’nosi: «Guvohlik beramanki, Alloh yagona, Undan o’zga iloh yo’q. Va guvohlik beramanki, Muhammad Allohning bandasi va payg’ambaridir (elchisidir)». IYMON KALIMASI «Amantu billahi va malaikatihi va kutubihi va rusulihi val yavmil axiri val qodari xoyrihi va sharrihi minallohi ta’ala val ba’si ba’dal mavt». Ma’nosi: «Alloh taologa va Uning farishtalariga, kitoblariga, payg’ambarlariga, qiyomat kuniga va barcha ishlar – yaxshiliklar ham, yomonliklar ham Alloh taolodan ekaniga hamda o’lgandan so’ng qayta tirilishga ishondim». http://uzmegavideo.ucoz.ru/
7-DARS 1-qism Mavzu: ALLOH TAOLOGA IYMON - Alloh taoloning shaklini, shamoyilini va zotini bilib bo’ladimi? - Yo’q, bilib bo’lmaydi. Inson aqli bunga ojizlik qiladi. - Qaysi jihatlarini bilsa bo’ladi? - Faqat ism va sifatlarini. - U sifatlari qaysilardir? - Alloh taolo Mavjuddir, Qadimdir, Boqiydir, Yagonadir, Haydir, Olimdir, Some’dir, Basirdir, Mutakallimdir, Qodirdir, Fariddir, Xoliqdir, Muxtordir, Azimdir, Jamildir, Hamiddir, Quddusdir, Robbdir, Rahmondir, Rahimdir, Shokirdir, Qahhordir, Odildir, Sobirdir, Tavvobdir, G’ofirdir, Mujibdir, Nosirdir, Hakimdir, G’aniydir, Karimdir, Razzoqdir, Ma’buddir, Hodiydir. - «Alloh» so’zi nimani bildiradi? - Alloh – olamni yaratgan haq ma’budning nomidir. Forsiycha «Xudo», turkiycha «Tangri» deyiladi. - «Alloh» so’zining o’xshashlari ham bormi? - Bor. Katta kitoblarda to’qson to’qqiz xil nomlanadi. Biz esa o’ttiz besh turinigina ta’riflaymiz. - «Mavjud»ning ma’nosi nima? - Doimo bor bo’lgan va bundan keyin ham bor bo’lguvchi va hech qanday bor qilguvchiga muhtoj bo’lmagan Zot demakdir. - «Qadim»ning ma’nosi nima? - Boshlanishi yo’q. Ya’ni, qachondir yo’q bo’lib, so’ngra bor bo’lgan emas, balki doimo bor bo’lgan. - «Boqiy»ning ma’nosi nima? - Borligining va bor bo’lmoqligining so’ngi yo’q: abadiydir, borlikdadir. - «Ahad»ning ma’nosi nima? - Yagona, demakdir. Ya’ni, «Uning sherigi yo’q» ma’nosidadir. - «Hay»ning ma’nosi nima? - Tirik, ammo bizlardek jon va badan birla emas, balki O’zining hayot sifati, maromi bilan tirikdir. - «Olim»ning ma’nosi nima? - Bo’lgan va bo’ladigan narsalarning, voqealarning har biridan xabardor – bilguvchidir. Alloh taoloning bilishi biz kabi o’rganishi yoki fikr qilishi bilan emas, balki yolg’iz O’ziga xos ilm sifati bilandir. - «Some’»ning ma’nosi nima? - Eshitguvchi, degan ma’nodadir. Har bir ovoz ul Zotga eshitilmay qolmas. Ul Zotning eshitmoqligi biz kabi emas, balki yolg’iz O’ziga xos ko’rish sifati bilandir. http://uzmegavideo.ucoz.ru/
7-DARS 2-qism Mavzu: ALLOH TAOLOGA IYMON - «Basir»ning ma’nosi nima? - Ko’rguvchi, degan ma’nodadir. Alloh taolo har narsani ko’radi. Ko’rmoqligi bizlarning ko’rishimizdek ko’zlar bilan emas, balki yolg’iz O’ziga xos ko’rish sifati bilandir. - «Mutakallim»ning ma’nosi nima? - So’zlaguvchi, degan ma’nodadir. Alloh taolo so’zlaguvchidir. Masalan, Qur’oni karim oyatlari Allohning so’zlaridir. - «Qodir»ning ma’nosi nima? - Kuch-qudratli, kuch-qudratining chegarasi yo’q. - «Farid»ning ma’nosi nima? - Istaguvchi, tanlovchi, degan ma’nodadir. Alloh istagan ish qaro topadi, istamagani amalga oshmaydi. Istashi O’zining iroda sifati bilandir. - «Xoliq»ning ma’nosi nima? - «Paydo qilguvchi» va «qaror toptirguvchi» ma’nosidadir. Bu jarayon O’zining xoliq sifati bilan namoyon bo’ladi. - «Muxtor»ning ma’nosi nima? - Alloh taolo har bir amalni O’z ixtiyori bilan, birovning ixtiyorisiz qiladi. - «Azim»ning ma’nosi nima? - Ulug’ va tengsiz, degan ma’nodadir. Alloh taolodan ulug’roq, martabasi balandroq zot yo’q. - «Jamil»ning ma’nosi nima? - «Barkamol» va «sohibjamol» ma’nosidadir. - «Hamid»ning ma’nosi nima? - «Har qanday ta’rifu tavsifdan yuksak, har qanday taqsimdan ulug’vor, pok Zot» ma’nosidadir. - «Quddus»ning ma’nosi nima? - «Har qanday nuqsonu kamchilikdan xoli, har bir sifati yetuk» ma’nosidadir. - «Robb»ning ma’nosi nima? - «Tarbiya berguvchi» va «egalik qilguvchi» ma’nosidadir. - «Rahmon»ning ma’nosi nima? - Dunyoga in’om va ehson qiladigan, jamiki odamzotga, maxluqotga, shu jumladan, mo’minu kofirga ham marhamatini darig’ tutmaydigan, har bir bandani teng ko’radigan, O’zi istagan kishiga ziyoda mol-davlat beradigan Zotning sifatidadir. - «Rahim»ning ma’nosi nima? - «Oxiratda rahmat qilguvchi» ma’nosidadir. Alloh taolo oxiratda mo’min kishilarga rahm qilib, ularni jannatga kiritadi. Ammo imonsiz kishilarga rahm qilib, rahmat nazari bilan boqmaydi. Ular doimo azobda bo’ladilar. - «Shokir»ning ma’nosi nima? - «Mo’min bandalarning qilgan ibodatlariga yarasha ajrini berguvchi» ma’nosidadir. - «Qahhor»ning ma’nosi nima? - «Qahr qilguvchi va jazolaguvchi» ma’nosididir. Shak-shubha yo’qki, Alloh taolo imonsiz va gunohkor bandalarini azoblaydi. - «Odil»ning ma’nosi nima? - «O’zining har bir hukmida eng odil Zot, hukmlarida zarracha nuqson yo’q» ma’nosidadir. http://uzmegavideo.ucoz.ru/
7-DARS 3-qism Mavzu: ALLOH TAOLOGA IYMON - «Sobir»ning ma’nosi nima? - Sabr etguvchi va toqat qilguvchi, deb anglanmog’i lozim. Alloh taolo gunohkor bandalarining ayblariga sabr qiladi, jazosini bu dunyoda bermay, oxiratga qoldiradi. Shuningdek, savob qilgan kishilarning ham ajrini bu dunyoda bermaganini oxiratda berguvchidir. - «Tavvob»ning sharhi qanday? - «Tavbalarni qabul qilguvchi» ma’nosidadir. Agar gunohkor mo’min chin dildan pushaymon chekib tavba qilsa va u gunohlarini takrorlamaslikni niyat qilsa, Alloh taolo uning tavbasini qabul qiladi. - «G’ofur» sifatining ta’rifi qanday? - Gunohlarni kechirguvchi, degan ma’nodadir. Alloh taolo ba’zi kishilarning gunohlarini kechiradi. Tavba qilgan kishilarning ham va sira tavba qilmagan kishilarning ham gunohidan kechish O’zining ixtiyoridadir. - «Mujib»ning ma’nosi nima? - Duo va savollarni qabul etguvchidir. Alloh taolo ixlos bilan qilingan duolarni, mabodo O’z hikmatiga muvofiq kelsa, qabul qiladi. Va O’z fazlu karami bilan bandalarining hojatlarini chiqaradi. - «Nosir»ning ma’nosi nima? - Nosir – yordam berguvchidir. Alloh taolo xohlasa, har ishda madadkor va ko’makdoshdir. - «Hakim»ning ma’nosi nima? - «Hikmatlarga boy so’zlaguvchi» ma’nosidadir. Hakimning har bir buyrug’ida inson aqli qamrab ololmaydigan hikmatlar mujassam bo’ladi. - «G’aniy»ning ma’nosi nima? - «Hech narsaga muhtoj bo’lmagan, aksincha, barchaga boyligu saltanat tarqatuvchi Zot» ma’nosidadir. - «Karim»ning ma’nosi nima? - Xayr-ehson etguvchi Zot – Karim, deyiladi. - «Razzoq»ning ma’nosi nima? - Rizq berguvchi va to’ydirguvchi. - «Ma’bud»ning ma’nosi nima? - «Ibodatga loyiq» ma’nosidadir. Yolg’iz Allohgina ibodatga loyiq. Jami bandalarga faqat Allohgagina ibodat qilish farzdir. - «Hodiy»ning ma’nosi nima? - «To’g’ri yo’lga soluvchi», bu – Alloh taoloning sifatlaridan biridir. Alloh taolo to’g’ri yo’lga va haq dinga solmoq uchun yer yuziga bir necha ming payg’ambar yuborgan. - Alloh taolo hech bir maxluqotga o’xshaydimi? - Alloh taolo odam va yo boshqa maxluqotga hech bir jihatdan o’xshamaydi. Alloh taolo jismli yoki suratli emasdir. U hech bir makonda-o’rinda emas, hech tarafda emas. Yuqori va yo past, old va yo orqa, o’ng va yo chap taraflarning hech birida emas. Alloh taoloda yemoq, ichmoq kabi bandalarga xos jihatlar yo’q. Bu tariqa ishlar nuqson va kamchilikdir. Alloh esa nuqsonlardan xoli, har jihatdan mukammaldir. http://uzmegavideo.ucoz.ru/
8-DARS Mavzu: TAFAKKUR VA TASHAKKUR - Tafakkur va tashakkurning ta’rifi qanday? - Fikr va shukr qilish, demakdir. Borliqdagi jamiki mavjudotni yaratishda Alloh taoloning beqiyos qudratini fikr yordamida ko’ramiz va shukr qilamiz. - Fikr qilish lozimmi? - Albatta, lozim. Alloh yeru osmonlarni O’z izniga solib harakatga keltirdi. Insonlarni yo’nalishga soldi. Insonlar rohatlanishlari uchun qora tuproqdan gulu giyohlarni undirib chiqardi. Allohning qudrati bilan barcha mavjudot tug’ilmoq, yashamoq va o’lmoq jarayonidadir. Butun olamlar yo’qdan bor bo’ldi. Va insonlar mana shu borliqni anglash qudratiga ega bo’ldilar. Bizning so’zlashimiz, ko’rinishimiz, eshitishimiz, hid sezishimiz – bularning bari mo’’jizadir. O’z tanimizga g’oyatda muvofiq ravishda qo’l-oyog’imiz va ichki a’zolarimiz bor. Yuragimizning urib turishi ham Allohning borligiga, qudratiga dalolatdir. Yaratilgan har bir ne’matning ajoyibligi Alloh taologa har qancha shukrona aytmoqqa yetarlidir. Dunyodagi har bir g’aroyiblikni ko’rganda ushbu tarzda zikr qilish lozim: «Subhanallohi valhamdu lillahi va la ilaha illallohu vallohu akbar». http://uzmegavideo.ucoz.ru/
9-DARS Mavzu: FARISHTALAR - Farishtalar kimlar? - Ular ham Alloh taoloning bandalaridir. Ular doimo ibodat qilguvchi va har bir buyruqni nihoyasiga yetkazguvchi, gunohlardan xoli, yemoq-ichmoq kabi sifatlari yo’q, jinslari ham yo’q, jismlari esa nurdan, o’zlari shamoldek mayin, ammo ko’zga ko’rinmaydigan, agar ko’rinishni istashsa, ixtiyoriy suratda ko’rinishga qodir zotlardir. - Ularning makonlari qaerda? - Ko’proq osmonda. Faqat Alloh taoloning buyruqlarni bajarish uchun yer yuziga tushadilar. Yer yuzida har bir bandaning qilgan amalini yozib turguvchi farishtalar ham bor. Ular bandalarning yaxshilik va yomonliklarini amalnomalariga yozadilar. Qiyomat kuni inson shul nomalarga qarab taftish qilinadi. Yana yer yuzida har bir bandani ofatu falokatdan saqlab yuruvchi farishtalar ham bor. - Farishtalarning mashhurlari qaysilar? - Jabroil, Mikoil, Azroil, Isrofil kabilar. Hazrati Jabroil Alloh taolodan payg’ambarlarga vahiy keltiruvchidir. Hazrati Mikoil bandalarning rizqlarini ta’minlovchi, yomg’iru qorlarga hukm qilguvchidir. Hazrati Azroil qazosi yetgan bandalarning jonlarini olguvchidir. Hazrati Isrofil bandalarning jonlari turadigan surga vakolatlidir. - Hazrati Isrofil surni nima qiladi? - Ikki marotaba chaladi. Birinchi bor chalganida barcha jonzot ushbu sur ichiga jam bo’ladi. Ikkinchi bor chalganida barcha halok bo’ladi. Har kim surdan chiqib o’z jasadini topadi. Va shu jasadga kirib, so’ngra qabrdan qayta tirilib, yer yuziga chiqadi. Bu voqealar zamon oxir bo’lganda sodir bo’ladi. http://uzmegavideo.ucoz.ru/
10- DARS Mavzu: PAYG'AMBARLAR - Payg’ambarlar kimlar? - Allohning biz kabi bandalaridir. Ular ham Odam alayhissalomning farzandlari bo’lib, tug’ilishdanoq Allohning panohi va himoyatidagi oqil va jismonan sog’lom, haqiqatgo’y va taqvodor, nuqsonsiz bo’ladilar. - Ular qay tariqa saylanadilar? - Jabroil alayhissalom orqali vahiy yuboriladi. Payg’ambar ushbu hukmlar kuchi bilan bandalarni haq dinga boshlaydi. - Bandalar payg’ambarlarning so’zlarini qanday qabul qiladilar? - Birdaniga qabul qilmaydilar. Dalil so’raydilar. Bunday holda Alloh taolodan mo’’jiza so’raydilar. Alloh xaloyiqning talabiga muvofiq mo’’jiza ko’rsatadi. - Shundan so’ng xaloyiq payg’ambarning haqligiga ishonadimi? - Zehni o’tkirlari va insoflilari ishonishadi. Yomon xulqlilari esa ishonmay, uni sehr deydilar. Aksar insonlar dillarida ishonadilar-u kibrlari bois itoat etishga or qiladilar. PAYG'AMBARLARNING MO'JIZALARI - Payg’ambarlarning mo’’jizalari qay tariqa bo’lgan? - Ba’zi payg’ambarlar duoning kuchi bilan tosh ichidan tuya chiqargan. Ba’zi payg’ambarlar olovga tushganda ham zarar ko’rmaganlar. Ba’zilari tushlarni to’g’ri ta’bir qilganlar. Ba’zilarining qo’lidagi aso ajdarhoga aylangan. Ba’zilari o’liklarni tiriltirganlar. Ba’zilari oz taomni bir necha yuz kishiga yetarli barakali qilganlar. Ba’zilari bilan hayvonlar tilga kirib so’zlashgan. Ba’zilarining qo’l ishorasi bilan oy ikki bo’lakka bo’lingan. Bularning bari haqida kitoblarda batafsil bayon qilingan. http://uzmegavideo.ucoz.ru/
11-DARS Mavzu: PAYG'AMBARLARNING SANOG'I - Hazrati Odam alayhissalomning zamonlaridan beri dunyoga qancha payg’ambar keldi? - Aniq ma’lum emas. Bir yuz yigirma to’rt ming, degan taxmin bor. - Ularning qaysilari bizga ma’lum? - Ulardan Qur’onda yo hadisda zikr etilganlarigina bizlarga ma’lum. Qur’onda yigirma besh nafar payg’ambarning ismi bayon qilingan. Bular: Odam, Idris, Nuh, Hud, Solih, Ibrohim, Lut, Ismoil, Ishoq, Ya’qub, Yusuf, Ayyub, Shuayb, Muso, Xorun, Dovud, Sulaymon, Yunus, Ilyos, Zakariyo, Yahyo, Alyasa, Zulkifl, Iso, Muhammad sollallohu alayhumussalomdurlardir. Aziz, Luqmon va Zulqarnayn hazratlarining nomlari ham Qur’onda bor. Lekin ularning payg’ambarliklari taxminiydir. Ba’zilar ularni avliyo deb hisoblaydilar. - Qur’onda zikr qilinmagan va lekin nomlari ma’lum bo’lgan payg’ambarlar ham bormi? - Bor. Masalan: Shish, Yuusha, Xizr, Bashir, Doniyol, Ishmuil, Ash’iyo, Xiroqul, Jirjis, Jakuq, Hamzola kabilar. - Eng dastlabki payg’ambar kim? - Hazrati Odam alayhissalom. - Oxirgisi-chi? - Muhammad alayhissalom. - Muhammad alayhissalomdan so’ng yana payg’ambarlar tushdimi? - Qiyomat kunigacha o’zga payg’ambar chiqmaydi. Islom dini to qiyomatgacha boqiydir. Jami payg’ambarlarning tarixiy bayonlari «Qissasul Anbiyo» («Payg’ambarlar qissasi») nomli kitobda bitilgandir.
12-DARS Mavzu: ALLOH TAOLONING MUQADDAS KITOBLARI - Alloh taoloning kitoblari qanday kitoblar? - Payg’ambarlariga nozil qilgan hukmlari to’plamidir. - U kitoblarni Alloh taolo nima sababdan yuborgan? - Din va shariat hukmlarini qavmlarga yetkazish va o’rgatish uchun. - Payg’ambarlarga nechta kitob nozil qilingan? - Jami bir yuzu to’rt kitob. Odam alayhissalomga o’n varaq, Shish alayhissalomga ellik varaq, Idris alayhissalomga o’ttiz varaq, Ibrohim alayhissalomga o’n varaq kelgan. Bu aytilgan yuz varaq yuz kitobga tengdir. Muso alayhissalomga Tavrot kitobi, Dovud alayhissalomga Zabur, Iso alayhissalomga Injil, Muhammad alayhissalomga Qur’oni karim nozil qilingan. - Ularda nimalar bayon qilingan? - Va’z va nasihatlar, ibratli qissa va hikoyalar, duo va ibodat so’zlari bayon etilgan, dunyo va oxirat obodligini topmoq yo’llari ko’rsatilgan. - Ularda shariat hukmlari bir-biriga muvofiq keladimi yoki muvofiq kelmaydimi? - Ko’plari muvofiq, ba’zilari xilofli. - Nega xilofli? - Chunki zamona va insoniyatning kamolot darajasiga qarab yangi-yangi hukmlar kelgan. Shu sababdan so’ng kelgan hukmlar avvalgi hukmlarga o’xshamaydi. Ammo eng so’nggisi, ya’ni Qur’oni karimda kelgan hukmlar to zamon oxir bo’lguncha qat’iy va o’zgarmasdir. http://uzmegavideo.ucoz.ru/
13-DARS Mavzu: QUR'ON - KALOMI SHARIF - Payg’ambarimiz Muhammad alayhissalomga Qur’on qay tariqa kelgan? - Alloh taoloning amri bilan farishta Jabroil Muhammad alayhissalomga Qur’ondagi sura va oyatlarni bayon qilgan, xotiralariga singdirgan. Jabroil alayhissalom ketganidan so’ng Payg’ambarimiz nozil bo’lgan oyatlarni sahobai kiromlarga yodlatganlar. - Kalomulloh Muhammad alayhissalomga necha yil davomida kelgan? - Yigirma uch yil davomida bobma-bob, oyatma-oyat, bo’linib-bo’linib nozil bo’lgan. - Qaysi tilda bayon qilingan? - Arab tilida. - Qur’oni karim necha sura va necha oyatdan iborat? - Bir yuz o’n to’rt sura, olti ming ikki yuz yigirma olti oyatdan iborat. - Unda necha so’z va necha harf bor? - Yetmish yetti ming to’rt yuz o’ttiz to’qqiz so’z, uch yuz yigirma besh ming uch yuz qirq uch harf bor. http://uzmegavideo.ucoz.ru/
14- DARS Mavzu: TAQDIR VA QAZO - Taqdirning ma’nosi nima? - Olamda har bir bo’lgan, bo’ladigan va bo’lishi tayin qilib qo’yilgan o’lchovdir. - Qazoning ma’nosi nima? - Tayin qilingan ishning bajarilishidir. - Olamda bo’ladigan narsalar va qilinadigan ishlarning muddati avvaldan belgilanadimi? - Albatta. Har bir ishning qachon, qay tarzda, qanday sabablar bilan qilinishi va muddati avvaldan belgilab qo’yiladi. Ular «Lavhul Mahfuz»da yozib qo’yilgan. - «Lavhul Mahfuz» nima? - «Lavhul Mahfuz» osmonlar ustidagi kitobsimon mavjudliklardir. - Bandalarning savob olishlari yoki gunohga botishlari «Lavhul Mahfuz»da bitilganmi? - Albatta. - Odamlar «Lavhul Mahfuzda»da yozilgani tufayli savobga botadi yoinki gunohkor bo’ladimi? - Unday emas. Bu narsani Alloh taolo O’zining azaliy ilmi bilan biladi. Ya’ni, biror banda agar o’z ixtiyoriga qo’yilsa, qanday amallarni qilmoqligi avval-boshdanoq Allohga ma’lum va «Lavhul Mahfuz»ga bitilgan. - «Lavhul Mahfuz»da avvaldan bitilgan ekan-ku, deb bu dunyoda tek yuraverish, oxiratga hozirlik ko’rmasdan yotaverish, gunoh ishlarni bot-bot qilaverish mumkin ekanda? - Hech mumkin emas! Har bir banda qunt bilan ilm olishi, ma’rifat o’rganishi, halol non topib yeyishi, gunohlardan to’xtashi lozim. Har ishni taqdirga havola qilib, o’z ixtiyoridagi ishlarni taqdirga topshirib qo’yishi ma’qul emas. Chunki taqdir oliy tushuncha, Alloh taolo belgilab qo’ygan o’lchovdir. Ammo bu dunyoda insonning o’ziga bog’liq qilib qo’yilgan jihatlar borki, bunga inson o’zi harakat qilishi kerak. - Ajalning ma’nosi nima? - Berilgan umr muhlatining tugashi. - Biron ofat yoki boshqa sabab bilan o’lgan kishining ajalini nima deb bilmoq lozim? - Ular tashqaridan qaralganda biror sabab bilan yoki tasodifan o’lganga o’xshab ko’rinsa ham, aslida ajallari yetib kelgani tufayli qazo qilganlar. Chunki inson umr muddati tugagani sababli ham tasodif va biror bahonaga yo’liqadi. http://uzmegavideo.ucoz.ru/
15-DARS Mavzu: BANDANING FE'L ATVORI - Bandalarning fe’li kim tomonidan belgilanadi? - Bandalar o’z fe’llarini o’zlari yaratadilar. Alloh taolo ularga kuch-quvvat, ya’ni biror narsani ixtiyor etmoqqa kifoya qilguvchi iroda va ixtiyor bergan. - Alloh taolo bandalariga yaxshi va yomon fe’llarni taqsimlab berganmi? - Albatta, banda qaysi fe’l-atvorni ixtiyor qilsa, Alloh taolo unga o’sha fe’lni ravo ko’radi. Agar biror kishi o’z ixtiyori bilan savob ishni qilmoqchi bo’lsa, Alloh unga bu fe’lini bermoqqa rozidir. Agar gunoh fe’lni bandasi kasb qilsa, Alloh taolo rozi bo’lmaydi. Lekin sinov muddatini bo’yniga qo’ygan holda uni o’z ixtiyoriga qo’yadi. - Bandaning fe’lini Alloh belgilaydigan bo’lsa, bandalar bajargan yumushlari uchun savob yoki gunoh orttiradilarmi? - Albatta, agar banda yaxshi fe’lni kasb qilsa, savob oladi, mabodo yomon fe’lga yo’liqsa, gunohkor bo’ladi. Chunki Alloh taolo tanlash ixtiyorini bandalarning o’zlariga bergan edi. http://uzmegavideo.ucoz.ru/
16-DARS Mavzu: ZAMONNING OXIRI - Zamonning oxir bo’lishi ma’nosi nima? - Ushbu dunyoning oxirlashi va tugashidir. - Zamon tugashining belgilari qanday? - Yer yuzining jami mavjudoti – odamzot va hayvonot, osmonda esa butkul farishtalar qirilib halok bo’lishi zamon oxirining asosiy belgisidir. - Zamon qay vaqtda tugaydi? Unga necha yil qoldi? - Zamonning qachon va qay holatda tugashi yolg’iz Allohga ayondir. Biz faqat shuni ayta olamizki, har kuni va har lahzada qiyomat bo’lishining ehtimoli bor. - Zamon tugamasidan avval uning qanday alomatlari ko’rinadi? - Zamon tugamasidan avval yer yuzini faqat bir millat vakillari egallab oladi. Ammo Islom davlatlari juda zaif bo’ladi. So’ngra o’sha qudratli millat ham zaiflashadi va o’zga qavmning tasarrufiga kirib ketadi. Musulmonlar esa taraqqiylashib ketadi. So’ngra yana jamiki odamlar ibodatsizlikka mubtalo bo’ladilar. Jabr va zulm ko’payadi. Zilzila, yerning cho’kishi, shaharlarni suv bosishi hodisalari ko’p bo’ladi. Vaboga o’xshash turli-tuman dardlar va dardmandlar ko’payadi. Tug’iluvchidan ko’ra o’luvchi ko’p bo’ladi. Erkaklardan ko’ra ayollarning hisobi ortiq keladi. Ba’zi ellarda to’qlik, farovonlik ortib, ba’zilarida qattiq ochlik hukm suradi. Mashriq tarafdan Ya’juj-Ma’juj qavmi yer yuziga tarqaladi. Ular mag’rib xalqlarining ustidan g’alaba qozonib, o’z hukmini, jabrini o’tkazadilar. So’ngra bir kazzob ko’pchilikni o’ziga tobe qiladi, fosiqlikni o’rgatadi. Uning ismi Dajjoldir. Dajjol xaloyiqni yo’ldan ozdirib yurgan vaqtida Payg’ambarimiz Muhammad alayhissalomning qizlari hazrati Fotima naslidan bo’lmish solih zot xalqni va’z va nasihat bilan fosiqlikdan va imonsizlikdan qaytarib, yaxshilik va odillikni targ’ib qiladi hamda qo’shin to’plab Dajjol qavmiga qarshi jang qiladi. Ul zotning ismlari Mahdiydir. O’sha vaqtlarda osmondan Iso alayhissalom yerga tushib, hazrati Mahdiyga yordam beradi. Ushbu urushda Dajjol halok bo’ladi va askarlarining ham aksari qirilib ketadi. Qolganlari hazrati Iso bilan Mahdiyga tobelikka o’tadilar. O’sha zamonda Iso bilan Mahdiy adolatli hukumat o’rnatib, bir necha yillar osoyishta yashaydilar. Ezgu niyatli kishilar ko’payadi. Xazina va chorva mollari juda barakali va ziyoda bo’ladi. Davlatmandlar ko’payadi. Hatto, zakot va sadaqa oluvchi kishi topilmaydi. So’ng yana kishilar imonsizlik va gunoh tomonga yuzlanadilar. Keyin esa g’arb tomonda sovuq shamol qo’zg’alib, mo’minu musulmonlarni ado qiladi. Yer yuzida faqat imonsiz, gunohkor kishilar qolib, hamma tomonni bulg’alaydilar. Va nihoyat, Alloh taoloning hikmati bilan quyosh teskaridan, ya’ni mag’ribdan chiqadi. Ushbu kun dunyoning so’nggi kunidir. Ushbu kungacha tavba qilib qolish kerak. So’ng tavba-tazarru’lar qabul etilmas. Yer yuzini dud bosib, har tirik kishining hushi yo’qolur. So’ng farishta Isrofil surni chalib, jondorlarning tanasidan joni chiqishiga ko’maklashadi. Qattiq shamol turib yer yuzini xarobaga, dashtga aylantiradi. Alloh taolodan o’zga biror tirik narsa qolmas. http://uzmegavideo.ucoz.ru/
17-DARS Mavzu: QIYOMAT KUNINING SHARHI - Dunyo maxluqoti tamoman halok bo’lgandan so’ng nima bo’ladi? - Undan so’ng qiyomat boshlanadi. Alloh taolo odamlarni qaytadan tiriltiradi. Qabrlardagi va boshqa joylardagi o’liklar Alloh taoloning qudrati bilan bir joyga yig’ilib, xuddi tirik vaqtlaridagidek to’planishadi. So’ng Alloh taolo Isrofil alayhissalomga surni ikkinchi marotaba chalmoqni amr qiladi. So’ng har bir banda mahshar maydoniga jam bo’ladi. - Mahshar maydoni qanaqa maydondir? - U bandalarning o’tkinchi dunyoda qilgan amallarini hisob va taftish qiladigan joydir. - Mahshar maydonida qanaqa ishlar bo’ladi? - Har bandaga o’tkinchi dunyodagi amallari yozilgan daftar berilib, u amallarining har biri o’ziga ma’lum qilinadi. Va har kimning amali to’g’rilik, odillik tarozisi bilan o’lchanib, jannat va do’zax ahllari saralanadi. - Mahsharda bandalarning amallarini kimlar hisob va taftish qiladilar? - Alloh taolo tarafidan buyurilgan vakil farishtalar. - Hisobotdan so’ng bandalar qaysi yerga borishadi? - Jahannam ustiga qurilgan Sirot ko’prigining yoniga boradilar. - Sirot ko’prigidan kimlar o’tmoqqa qodir? - Har bir solih va gunohlari kechirilgan mo’min zotlar. Ammo undan o’tolmagan gunohkor zotlar Sirot ko’prigidan qulab jahannamga tushib ketadilar. 18-DARS Mavzu: JANNAT VA JAHANNAM - Jannatning ta’rifi qanday? - Jannat rohat va farog’atga to’la. Unda xushhavo bog’lar, zilol chashmalar, til bilan bayon qilib bo’lmas afzalliklar bor. - Jannatdagi eng mo’’jizaviy va hayratlanarli voqea nima? - Jannat ahlining Alloh diydoriga yetishmog’i. Ammo Allohni biz qay tariqa, ya’ni qay ko’z bilan ko’rmog’imiz ma’lum emas. - Jahannam qanday makon? - Jahannam qabohatga va razolatga to’la azoblar makonidir. U joyda Zaboniya ismli farishtalar kofirlar va gunohkorlarga ayovsiz jazo beradilar. - Jannatga kimlar kiradi? - Bu o’tkinchi dunyoda Alloh buyurgan amallarni bajarib, u Zot ta’qiqlagan ishlardan qaytgan diyonatli va gunohlari kechirilgan mo’min bandalar kiradi. - Jahannamga-chi? - Kofirlar va fosiqlar. - Kishilar jannatda doimiy qoladilarmi? - Jannat ahli boqiy qoladi va unda qazoyu qadar yo’qdir. - Jahannamga kirganlar-chi? - Imonsiz kishilar jahannamda doimiy mahbus bo’lib qoladilar. Ularga o’lim yo’q. Ammo gunohlari kechirilmasdan jahannamga kirgan osiy mo’minlar gunohlari miqdoricha jazolanib, so’ng do’zaxdan chiqadilar va jannatga qaytib, u joyda qoladilar. 19-DARS Mavzu: GUNOHKORLAR - Islom diniga e’tiqod qo’ygan va lekin o’zini tuta olmay, gunoh qilgan kishilar musulmonlikdan chiqadimi yoki yo’qmi? - Chiqmaydi. Ammo fosiq va gunohkor bo’ladi. - Gunohkorlar do’zax azobidan saqlanishi ehtimoli bormi? - Alloh taolo kechirgan ba’zi bandalar do’zaxga emas, jannatga kirishi mumkin. - Alloh ba’zi gunohlarni kechiradimi? - Agar xohlasa. - Alloh qaysi gunohlarni kechiradi? - Har qanday gunohni kechirish Allohning ixtiyoridadir. Alloh odildir. Yana chin ixlos bilan tavba qilgan kishilarning gunohidan kechishga Alloh va’da qilgan. - Bevaqt vafoti tufayli tavba qilolmay o’tgan mo’minlarning gunohlari kechirilishi mumkinmi? - Payg’ambarlarning va boshqa solih kishilarning shafoatlari sabab bo’lib ko’p kishilarning gunohi kechirilishi mumkin. Farz va vojib amallarini qilgandan so’ng sunnat amallarini qilgan kishilarni Muhammad alayhissalom shafoat qiladilar. - Payg’ambarlarning va boshqa solih kishilarning shafoatlaridan mahrum bo’lgan gunohkor kishilarning ham gunohi kechiriladimi? - Alloh kechirguvchi. Marhamat ul Zotning o’zidan. Ammo Allohning marhamatiga tayanib gunoh qilmoq joiz emas. Chunki Alloh qahrli hamdir. HAZRATI ODAM A.S VA HAVVO - Dunyoda eng avval kim yaratilgandir? - Otamiz Odam (a.s.) va onamiz hazrati Havvolar. Ular jamiki odamzotning otaonalaridir. 20-DARS Mavzu: MUHAMMAD ALAYHISSOLATU VASALLAM - Muhammad alayhissalom qachon dunyoga kelganlar? - Milodiy tarixning 570 yili 27 savrda, 12 rabiul-avvalning dushanba kuni dunyoga kelganlar. - Muhammad alayhissalom qaerda dunyoga kelganlar? - Osiyoda. Arabistonning Makka nomli shahrida dunyoga kelganlar. Ellik uch yoshgacha Makkai Mukarramada, oxirgi o’n yil Madina shahrida yashaganlar. - Ul zot necha yoshlarida payg’ambar etib saylandilar? - Qirq yoshlarida. - Ungacha umrlari qay holda kechdi? - U zot yoshliklaridanoq aqlli, farosatli va diyonatli kishi edilar. U kishini butun Makka ahli izzat qilardi. Sevib «Muhammad al-Amin» (ishonchli Muhammad), derdi. - Payg’ambar bo’lgunlaricha mashg’ulotlari nima edi? - Xadicha ismli boy savdogar ayolning savdogarlik ishlariga mutasaddi edilar. Yigirma besh yoshlarida hazrati Xadichaga uylandilar. - Hazrati Xadicha u paytda necha yoshda edi? - Qirq yoshda. - Islomgacha Arabiston ahli qaysi dinda edi? - Ko’pchilik butparast va majusiy, ba’zilar yahudiy va nasroniy dinida edilar. Ba’zilari o’zlarini Ibrohim alayhissalom dinida hisoblab, uning millatidanmiz, deb aytar edilar. - Muhammad alayhissalomning payg’ambarliklari qanday boshlangan? - Muhammad alayhissalom qirq yoshlarida dunyo ishlarini tark qildilar. Aqlu e’tiqod bilan Alloh taolo borligini bildilar va Makkai Mukarramaning chetidagi Hiro tog’ida g’orga borib, Allohga ibodat qildilar. Bir kuni o’sha tog’da o’tirganlarida farishta Jabroil kelib «Iqro» surasini o’qidi. Yana bir kelganlarida Alloh taolo u zotni payg’ambar etib tayinlaganini va odamlarni Islom diniga da’vat qilmog’i uchun elchi etib saylaganini so’zladi. - So’ng nima bo’ldi? - So’ng Allohning rasuli xaloyiqni Islom diniga taklif qila boshladilar. - Dastlab kimlar imon keltirdi? - Hazrati Abu Bakr Siddiq, xotinlardan Xadichai Kubro, yosh bolalardan hazrati Ali. - Payg’ambar bo’lganlaridan so’ng Makkai Mukarramada necha yil turganlar? - O’n uch yil. So’ng Allohning amri bilan Madina shahriga hijrat qilganlar. U zot bilan birga musulmonlar ham hijrat qilishdi. Biz Muhammad alayhissalom Makkadan Madinaga hijrat qilganlaridan boshlab hijriy tarix, deb hisob yuritamiz. - Allohning rasuli Madinada bo’lgan vaqtlarida qaysi ishlar yuzaga keldi? - Shahar aholisi islomiy hukm asosida umr kechira boshladi va imonsiz xalqlarni Islomga kirgizmoq va Islom davlati yaratmoq uchun kurashdi. Kofirlarga qarshi janglar bo’ldi. 8- hijriy sanada Makka ham musulmonlar qo’liga o’tdi. 10-sanada barcha musulmon ahli Makkai Mukarramaga hajga bordi. Ushbu haj vaqtida Alloh taolodan Kalomi sharifning so’nggi oyatlari nozil bo’ldi. Muhammad alayhissalom u oyatlarni aytib Alloh taoloning kalomi – Qur’on nihoyasiga yetganini va Islom dinining hukmlari butunlay bayon qilinganini so’zladilar, o’zlarining qazolari yaqinlashayotganini aytib, xaloyiqqa va’znasihatlar qildilar. - Muhammad alayhissalom necha yoshda qazo qildilar? - Madinai Munavvarada o’n yil turgandan so’ng oltmish uch yoshlarida milodiy 632 sanada, hijriy 11 sananing 12 rabiul-avvalida, dushanba kuni baqoga safar qildilar. - Ul zotning qabrlari qaerda? - Madinai Munavvara shahrida, Masjidi nabaviyning ichida maxsus bir gumbazning ostida. Hojilar Ravzai mutaharraga ziyoratga kelib ketadilar. http://uzmegavideo.ucoz.ru/
21-DARS Mavzu: MUHAMMAD ALAYHISSALOMNING MO'JIZALARI - Payg’ambarimiz Muhammad alayhissalom ham mo’’jizalar ko’rsatganmilar? - Ha. «Siyari nabiy» va «Tavorixi anbiyo» kitoblarida bu haqda ko’p bayon qilingan. Birinchisi, kofirlar u kishini sinamoq uchun mo’’jiza so’rashganida, oyni ikki bo’lakka bo’lib ko’rsatganlar. Oyning bir bo’lagi tog’ning bir tomonida, ikkinchi bo’lagi boshqa tomonida ko’ringan. Ikkinchisi, Muhammad alayhissalom Abu Bakr Siddiq (r.a.) bilan Makkadan Madinaga kelganlarida Abu Ayyub Ansoriy ikki kishilik taom keltirganlar. O’shanda Muhammad alayhissalom Abu Ayyubga Madina shahri ulug’larini majlisga chaqirishni buyurganlar. Bir yuz sakson kishi yig’ilgan va hammalari taomni tanovul qila boshlaganlar. Ammo mo’’jiza tufayli taom sira kamaymagan. Uchinchisi, Hudaybiya sahrosida urush payti sahobalar tashna bo’lishadi. Shunda Rasuli akram alayhissalom duo bilan suv chiqaradilar. Jami askarlar to’yib suv ichadilar. To’rtinchisi, yana o’shanday holatlarning birida Rasuli akram alayhissalom yarim kosa suvga barmoqlarini soladilar va kosaga suv to’lib, yetmish-sakson kishi u suvdan ichadilar. Beshinchisi, Nabiy alayhissalom uch yuz kishilik majlis chaqiradilar. Bir kichik laganda xurmo qo’yadilar, majlis ahli xurmodan qancha tanovul qilsa ham hech tugamagan. Oltinchisi, Muhammad alayhissalomning oldilariga bir yahudiy ayol zaharlangan go’sht keltirganida, go’sht: «Men zaharlanganman», degan ekan. Yettinchisi, bir bo’ri, echki va tuya Payg’ambarimizning mo’’jizalari tufayli tilga kirgan. Sakkizinchisi, bir kishi: «Payg’ambar ekanligingizga guvohingiz bormi?» deb so’raganida, bir daraxt Rasul alayhissalomning yonlariga kelib shahodat kalimasini aytgan va qaytib joyiga borib turgan. To’qqizinchisi, Xandaqda urush payti bir dona arpa noniga baraka kelib, ming kishi to’ygan. O’ninchisi, Hunayn urushida Rasul alayhissalom dushman qo’shiniga bir hovuch tuproq sepganlarida, ularning ko’zlariga tuproq to’lib, mag’lublikka giriftor bo’lgan edi. O’n birinchisi, ul zot tasbeh o’girganlarida, tasbeh toshlaridan «Subhanalloh», degan ovoz eshitilgan. O’n ikkinchisi, Muhammad alayhissalom qarindoshlarining xayr-duolarini qilib turganlarida, uyning devorlaridan «Omin» degan ovoz eshitilgan. O’n uchinchisi, Muhammad alayhissalom juma kuni suyanib xutba o’qiydiganlari xurmo yog’ochidan ayrilganlarida, u yog’och ustun g’amgin yig’i ovozi chiqargan. O’n to’rtinchisi, Muhammad alayhissalomning eng katta mo’’jizalari - Qur’oni karimdir. - Muhammad alayhissalomning ota-bobolari kimlar? - Otalari Abdulloh, uning otasi Abdulmuttolib, uning otasi Hoshim, uning otasi Abdumannofdir. Onalari Omina Vahob ismli kishining qizidir. - Muhammad alayhissalomning dastlabki xotinlari kim? - Hazrati Xadichai Kubro roziallohu anhodir. - Muhammad alayhissalomning farzandlari nechta edi? - Uch o’g’il, to’rt qizlari bo’lgan. O’g’illari Qosim, Ibrohim, Abdulloh; qizlari Ruqiya, Zaynab, Ummukulsum, Fotimadir. 22-DARS Mavzu:SAHOBALAR VA HALIFALAR - Muhammad alayhissalomning sahobalari kim edi? - Payg’ambarimiz Muhammad alayhissalom bilan birga mo’min-musulmonlikda yashagan va mo’min-musulmonlikda vafot qilgan kishilardir. Har qaysilarini biz do’st tutmog’imiz lozim. - Sahobalarning eng afzali kimlar? - Hazrati Abu Bakr Siddiq, hazrati Umar ibn Xattob, hazrati Usmon ibn Affon, hazrati Ali Murtazo roziallohu anhumlar. Ushbu to’rt sahoba muhtaramu mukarram choryorlardir. Jamiki musulmonlar ushbu choryorlarning har qaysilarini do’st tutmog’i lozim. - Rasul alayhissalom qazolaridan so’ng kim xalifa bo’ldi? - Sahobalarning kengashi bilan Abu Bakr Siddiq ikki yilu uch oy xalifa bo’ldi. So’ng hazrati Umar o’n yildan ziyodroq xalifa bo’ldi. So’ng hazrati Usmon o’n yilga yaqin xalifalik qildi. So’ng hazrati Ali Murtazo to’rt yil xalifa bo’ldi. Hazrati Ali vafotidan so’ng uning o’g’li Hasan olti oyga yaqin xalifa bo’ldi. So’ng Islom ahli ichida fitna chiqqach, fitna bosilishi uchun hazrati Muoviya podshohlik tojini kiydi. 23-DARS Mavzu: AHLI SUNNA VAL JAMOA - Rasul alayhissalomning sahobalari vafot etib ketgach, Islom ahli e’tiqodida necha firqa yuzaga keldi? - Yetmish uch firqa. Ammo mashhurlari uchtadir: ahli sunna val jamoa firqasi, shia firqasi, mo’’tazila firqasi. - Ushbu uch firqaning (mazhabning) eng to’g’ri yo’ldagisi qaysi? - Ahli sunna val jamoaning e’tiqodi haqdir. - Biz qaysi mazhabdanmiz? - Biz ahli sunna val jamoa mazhabidanmiz. - Uning tariqati qanday? - Payg’ambarimiz Muhammad alayhissalom va u kishining sahobalari qanday yo’l tutgan bo’lsa, din va shariat hukmlariga qay tariqa e’tiqod qo’ygan bo’lsa, ahli sunna val jamoa ham shu yo’ldan boradi. - Shianing e’tiqodi qay yo’sindadir? - Ular ko’p masalada ahli sunna val jamoa bilan hammaslak bo’lsalar-da, juz’iy noo’xshashliklari ham bo’ladi. Masalan, ahli sunna val jamoa Abu Bakr Siddiqni xalifa etib sayladi. Ammo shia mazhabidagilar Rasul alayhissalomdan so’ng xalifalikka u kishining qarindoshi hazrati Ali mustahiq, dedilar. Orada kelishmovchilik paydo bo’ldi. - Mo’’tazila mazhabining yo’li qanday? - Ularning ham noo’xshashligi bor. Masalan, ular qabrda mayyitning tirilmog’iga va savol etuvchi farishtalar kelishiga, o’lgan kishining rohat yo azob ko’rmog’iga, Sirot ko’prigiga, Alloh taolo jannati kishilarga ko’rinmog’iga va yana boshqa shu kabi masalalarga ishonmaydilar. - Ahli sunna val jamoa mazhabidagilarning nomlanishi qanday? - Sunniy. - Shia firqasidagilarning-chi? - Shiiy. - Mo’’tazila mazhabidagilarning-chi? - Mo’’taziliy, deb atashadi. O’z aqliga tayanib, shariat hukmlariga zohiran e’tiqod qilmaydiganlar mo’’tazila qatoriga kiradi. - Shia va mo’’tazila mazhabidan bo’lgan kishi musulmonmi yoki yo’qmi? - Islom dinining haqligiga imon keltirib, qibla tomonga qarab namoz o’qiganlari musulmondir. Ba’zi masalalarda xato e’tiqod qilganligi uchun gunohkordir. Ularni besabab kofir deyish yaxshi emas. Chunki ular Alloh taoloning borligiga va birligiga ishonishadi. Muhammad alayhissalom Allohning haq payg’ambari ekanligiga, Kalomi sharifga imon keltirishadi. 24-DARS Mavzu: SHARIAT HUKMLARI - Shariat hukmlari nimadir? - Islom dinidagi e’tiqod, ibodat va maishat masalalari bo’yicha hukmlardir. - Shariat hukmlari qay yerlarda bayon qilingan? - Qur’on oyatlari va hadisi shariflarda. - Hadisi sharif nima? - Payg’ambarimizning muborak so’zlari. - Qur’oni karimda va hadisi sharifda shariat hukmlarini qanday bilsa bo’ladi? - Shariat hukmlarini bilish uchun mujtahid bo’lmoq darkor. 25-DARS Mavzu: POKLIK «Innal Islama nazifun fatanazzafu fa innahu la yadxulul jannata illa nazifun». Ma’nosi: «Islom poklovchi dindir. Poklanishga shoshiling, nopok kishi jannatga qo’yilmas». «Buniyaddinu ‘lannazafati». Ma’nosi: «Islom dinining poydevori poklikdir». «Attuhuru shatrul iyman». Ma’nosi: «Poklik imondandir». Islom dini eng to’g’ri va pokiza, shaffof dindir. Shuning uchun ham u bandalarga jismoniy va ma’naviy tozalikni, kiyim kiyishdagi ozodalikni, oziqlanishdagi pokizalikni amr etadi. Ayniqsa, namoz chog’i bu poklik mukammal bo’lmog’i lozim. TAHORAT - Namozxon nimalarga e’tibor bermog’i lozim? - Tani, libosi, namoz o’qiydigan joyi har xil iflosliklardan xoli bo’lishi lozim. - Tahoratning yo’l-yo’riqlari qanday? - Tahoratda sakkiz tartib bor: 1. Dastlab toza suv bilan avrat yuviladi. 2. Qo’l yuviladi. 3. Og’iz uch marta chayiladi. 4. Burunga uch marotaba suv tortilib, chayiladi. 5. Yuz uch bora yuviladi. 6. Ikki qo’l tirsaklarigacha suv tortilib yuviladi, panjalar oralig’idan suv yurgiziladi. 7. Ikki qo’l ho’llanib, avval boshga, so’ng ikki quloqqa, undan so’ng gardanga mash tortiladi. 8. Avval o’ng oyoq, so’ng chap oyoq to’piqlarigacha yuviladi. Bu paytda oyoq panjalari ham poklanishi mustahabdir. Agar mahsi yoki etik kiyib yurilgan bo’lsa, panjalari ho’llanib, uch barmoq barobarida ularga mash tortiladi. Lekin o’rganishning eng yaxshi yo’li o’rganuvchi bularni amalda, ustozning ko’magida o’rganmog’idir. http://uzmegavideo.ucoz.ru/
26-DARS Mavzu: TAHORATNI FARZLARI - Tahorat farzlari nechta? - To’rtta: yuzni yuvmoq, qo’lni yuvmoq, boshni ho’llamoq, oyoqni poklamoq. - Yuz yuvish tartiblari qanday? - Yuzning peshonadan iyakkacha bo’lgan ochiq qismi yuvilishi lozim. Soqol-mo’ylovlarga mash tortiladi. - Qo’llarning yuvilish tartiblari qanday? - Panjalar uchidan tirsakkacha, tirsak ham, tirnoqlar orasi ham yuviladi. - Boshning ho’llanish tartibi qanday? - Boshning sochli qismining to’rtdan biriga mash tortilishi farz, hammasiga mash tortish sunnat. - Oyoqning qanchasi yuviladi? - Panjadan to’piqqacha, so’ng to’piqning o’zi ham. - Oyoqlarda mahsi yoki etik bo’lgan holda-chi? - Tahorat ketmasidan oldin kiyilgan bo’lsa, mash tortiladi. 27-DARS Mavzu: TAHORAT SUNNATLARI - Tahoratning sunnati nechta? - O’n sakkizta: 1. «Bismillahir rohmanir rohim», deb boshlamoq. 2. Tahorat qilishni dilga tugmoq. 3. Qo’lni yuvmoq. 4. Tishni misvok yoki qo’l bilan yuvmoq. 5. O’ng qo’lga uch marta suv olib og’iz chaymoq. 6. O’ng qo’lga uch marta suv olib burunni yuvmoq. 7. Qosh, mo’ylov va lab ostiga suv yetkazmoq. 8. Soqol oralariga panja urib ishqalamoq. 9. Oyoq panjalariga qo’l panjalari bilan suv yetkazib chog’ishtirmoq. 10. Yuz, qo’l va oyoqni uch martadan yuvmoq. 11. O’ng qo’lni chap qo’ldan, o’ng oyoqni chap oyoqdan ilgari yuvmoq. 12. Boshga mash tortganda peshonadan boshlamoq. 13. Boshning sochli joyining hammasini ho’llamoq. 14. Ko’rsatkich barmoq bilan quloq ichiga mash tortmoq, bosh barmoq bilan esa quloq tashqarisiga mash tortmoq. 15. Ikki qo’lning ort tarafi bilan gardanga mash tortmoq. 16. Tahoratning barcha farzlarini o’rniga qo’ymoq. 17. Tahorat orasida boshqa amallar bilan mashg’ul bo’lmaslik. 18. Qo’l va oyoqni yuvganda panja uchidan boshlamoq. 28-DARS Mavzu: TAHORATNING MUSTAHABLARI - Tahorat qay tarzda qilinsa, mustahab bo’ladi? - Tahorat qilishda besh ish mustahabdir: liboslarga suv sachramasligi uchun balandda turish; qiblaga qarab o’tirish; tahorat suvini o’zi hozirlash; tahorat chog’i duoda bo’lish; tahorat chog’i tobe’ va sertavoze’ turish. TAHORAT DUOLARI - Tahorat boshlanib, ikki qo’l yuvilayotganda qaysi duo o’qiladi? Ushbu duo o’qiladi: «Alhamdu lillahillazi ja’alal maa tahuran val islama nuran». Ma’nosi: «Suvni ham, Islom dinini ham poklik manbai qilib yaratgan Allohga hamd bo’lsin». Og’iz chayilayotganda ushbu duo o’qiladi: «Allohumma tahhir nakhati va asqini min havzi nabiyika». Ma’nosi: «Ilohim, og’zimni pok qil, Payg’ambar ichgan «Havzi kavsar» suvidan ichishni nasib et». Burunga suv tortilayotganda ushbu duo o’qiladi: «Allohumma arihni roihatal jannati va la turihni roihatan-nari». Ma’nosi: «Ilohim, jannat hididan bahramand et, do’zax isidan nari tut». Yuz yuvilayotganda ushbu duo o’qiladi: «Allohumma bayyiz vajhi bi nurika yavma tabyazzu vujuhu ulaika va la tusavvid vajhi yavma tasvaddu vujuhu a’doik». Ma’nosi: «Ilohim, sevimli bandalaring yuzlari pok holatda turuvchi kuni mening yuzimni ham yorug’ qil. Gunohkorlar yuzi qora bo’lguvchi kundan asragil”. O’ng qo’l yuvilayotganda ushbu duo o’qiladi: «Allohumma a’tini kitabi biyamini va hosibni hisaban yasiron». Ma’nosi: «Ilohim, qiyomat kuni amallarim yozilgan daftarni o’ng tarafimdan berib, hisobimni yengillatgin». Chap qo’l yuvilayotganda ushbu duo o’qiladi: «Allohumma la tu’tini kitabi bishimali va la min varoi zohri va la tuhosibni hisaban shadidan». Ma’nosi: «Ilohim, amallar yozilgan daftarni chapimdan ham, ortimdan ham bermagil, qattiq hisob-kitob qilmagil». Boshga mash tortilayotganda ushbu duo o’qiladi: «Allohumma g’ashshini birohmatika va anzil ‘alayya min barokatika”. Ma’nosi: «Ilohim, O’z rahmating bilan boshimni silagin, ustimga barakotlaringni yog’dirgin». Quloqqa mash tortilayotganda ushbu duo o’qiladi: «Allohumma ij’alni minallazina yastami’unal qovla fayattabi’una ahsanahu». Ma’nosi: «Ilohim, meni yaxshi so’zlarga tobe’ qilgil va ergashtirgil». Bo’yinga mash tortilganda ushbu duo o’qiladi: «Allohumma a’tiq raqobati minannari vahfazni minassalosili val ag’lali». Ma’nosi: «Ilohim, meni do’zax azobidan asragil va zanjirlarda sudramagil». O’ng oyoq yuvilayotganda ushbu duo o’qiladi: «Allohumma sabbit qodamayya ‘alas siroti yavma tazillu fihil aqdamu». Ma’nosi: «Ilohim, qiyomatda – oyoqlar toyguvchi kunda oyoqlarimni toydirmagil». Chap oyoq yuvilayotganda ushbu duo o’qiladi: «Allohumma ij’al sa’yi mashkuron va zanbi mag’furon». Ma’nosi: «Ilohim, qilgan ishlarimni savob yo’liga burgil va gunohlarimni avf etgil». Tahorat yakunida ushbu duo o’qiladi: «Allohumma ij’alni minat-tavvobinal mutatohhirina vaj’alni min ‘ibodikassolihinallazina la xovfun alayhim va la hum yaxzanun». Ma’nosi: «Ilohim, meni O’z tarafingga yuzlanuvchi pokiza insonlar safiga sol, qiyomat kuni yaxshi bandalaring qatorida qo’llagil, azoblardan asragil». 29-DARS Mavzu: TAHORATDAGI MAKRUH AMALLAR - Tahoratda qaysi amallar makruhdir? - Ular sakkiztadir: 1. Suvni ko’p ishlatib, isrof qilmoq. 2. Burunni o’ng qo’l bilan yuvmoq. 3. Yuvilayotgan a’zolarni uch martadan ko’p yoki kam yuvmoq. 4. Boshga ikki marta mash tormoq. 5. Yuzga suvni qattiq chaplamoq. 6. Tahorat qilganda boshqa kishini ishga solmoq. 7. Tahorat chog’i dunyoviy so’zlarni so’zlamoq. 8. Tahorat chog’i suvga tuflamoq, unga burunni qoqmoq. TAHORATNI BUZUVCHI AMALLAR - Nimalar tahoratni buzadi? - Ularning soni o’n bittadir: 1. Orqa avratdan yel kelishi. 2. Najas chiqishi. 3. Badandan qon, yiring yoki sariq suv oqishi. 4. Burun yoki tishning qonashi. 5. Kasalligi sababli ko’zdan qon yo yiring yosh kelishi. 6. Qon qusish. 7. Og’iz to’ldirib taom qusish. 8. Yotib yoki suyanib uxlash. 9. Devona bo’lish yoki hushdan ketish. 10. Namoz chog’i ovoz chiqarib kulish. 11. Er-xotin qo’shilishi.
TAHORATSIZ KISHI - Tahoratsiz kishi Qur’oni karimni yoki Alloh taolo so’zlari yozilgan qog’ozni ushlashi joizmi? - Yo’q, ammo muqovasini ushlashi mumkin. - Tahoratsiz kishi Qur’oni karim oyatlarini o’zicha o’qishi mumkinmi? - Mumkin, lekin tayammum bilan o’qish undan yaxshiroqdir. - Tahoratsiz kishining masjidga kirishi, qabristonni ziyorat etishi mumkinmi? - Mumkin. 30-DARS Mavzu: MAHSI YOKI ETIKKA MASH TORTISH - Etik yoki mahsi kiygan kishi tahorat chog’i oyog’ini yuvishi lozimmi? - Yo’q. Mash tortilsa, kifoya. Ammo mahsi yoki etik tahorat bilan kiyilgan bo’lmog’i lozim. - Mash qanday tortiladi? - Ikki qo’l panjalari yaxshilab suvlanib, barmoq tarafdan to’piqqacha uch marta barmoq tortiladi. Mahsi yoki etik yuzi ham uch barmoq kengligida tozalanadi. - Tahorat bilan kiyilgan mahsi yoki etikka necha kun mash tortiladi? - Safarda bo’lmagan kishi 24 soat, uch kundan ortiq safarda bo’ladigan kishi 72 soat davomida mash tortishi mumkin. - Bu muddat mahsi kiyilgan paytdan hisoblanadimi? - Yo’q, birinchi tahorat buzilgan paytdan boshlanadi. - Mahsi yoki etikdan boshqa yana nimalarga mash tortish joiz? - Kigizli etikka, qo’njli kovushga, mahsi ustidan kiyilgan kovushga. - Mabodo mahsi yoki etik yirtilgan bo’lsa-chi? - Ular jamlanganda uch barmoq kattaligidan katta bo’lsa joiz emas, kam bo’lsa joiz. - Yirtiqlar kichik-kichik, ikki-uchta bo’lsa-chi? - Ular jamlanganda uch barmoq kattaligidan katta bo’lsa, yangidan tahorat qilinadi. - Agar teshiklari to’piqning yuqorisida bo’lsa-chi? - Mash tortiladi. - Mahsiga qachon mash tortib bo’lmaydi? - Mahsi o’z xizmatini bajara olmaydigan va tovon qo’njining yuqorisiga chiqib ketgan bo’lsa. - Agar tahorat ketmasdan mahsilar almashtirilsa, ya’ni yechilib bir oz muddatdan so’ng kiyilsa, tahorat buzilib, oyoq yuviladimi? - Yo’q. http://uzmegavideo.ucoz.ru/
31-DARS Mavzu: G'USL - G’uslning ma’nosi nima? - Butun badanni yuvish. - G’usl qay tariqa qilinadi? - 1. Avvalo, istinjo qilinadi. 2. So’ng qo’l yuviladi. 3. Tahorat qilinadi (bundan faqat oyoq yuvilishi mustasno). 4. Undan so’ng boshga, so’ngra o’ng yelkaga, so’ngra tanning boshqa a’zolariga suv yetkazilib, hamma joy yuviladi. 5. So’ng yana ikki marta shu tariqa yuviniladi. 6. Yakunda oyoq yuviladi. - G’usl tahorat o’rniga o’tadimi? - O’tadi. - G’uslning farzi nechta? - Uchta: 1. Og’izga suv solib g’arg’ara qilish. 2. Burun ichini yuvish. 3. Badanning hamma joyini yuvish. - G’uslning sunnatlari nechta? - O’nta: 1. Istinjo qilish. 2. Najas bor yerni yuvish. 3. Qo’lni yuvish. 4. O’n sakkizta sunnatga amal qilib tahorat qilish. Lekin oyoqlar yuvilmay turiladi. 5. Avval boshga, so’ng o’ng yelkaga, so’ng tanning qolgan barcha a’zolariga bir marotaba suv yetkazib yuvish. 6. Qo’l yetgan jami joylarni bir marotaba ishqalab yuvish. 7. Har bir a’zoga uch bora suv yetkazish. 8. O’ng tarafni chap tarafdan oldin yuvish. 9. Suvni keraklicha sarflash. 10. G’usl vaqti qiblaga oldini o’girmaslik, ya’ni ters turish lozim. - Soch va soqolning har bir tolasiga suv yetkazish farzmi? - Erkaklarga farz. Ammo ayollarning soch ostilariga suv yetsa, bas. O’rilgan sochlarni yoyish lozim emas. 32-DARS Mavzu: G'USLNING SABABLARI - G’usl qachon lozim bo’ladi? - Uch holda: 1. Junub bo’lganda. 2. Ayollarda hayz qoni kelganda. 3. Nifos qoni kelganda JUNUB - Junub deb qaysi holatga aytiladi? - Jismoniy yaqinlik qilsa, uyqudan turgan kishi ko’rpasida yo libosida maniy yo maziy topsa, bu hol junub, deyiladi. Junubdagi kishining Qur’on o’qishi, yozishi, oyat yozilgan diniy kitoblarni ushlashi, masjidga kirishi yaxshi emas. - Junub holatida ovqatlansa bo’ladimi? - Qo’l, og’iz, burun yuvilsa, bo’ladi. - Junubdan so’ng bir oz vaqt o’tkazib yuvinsa bo’ladimi? - Tezroq yuvinish mustahab. - Ikki-uch bor junubda bo’lib, bir bor yuvinsa bo’ladimi? - Bo’ladi. 33-DARS Mavzu: HAYZ VA NIFOS - Hayz nima? - Balog’atdagi qizlar va ayollar bachadonidan har oyda keladigan qon. - Bo’yga yetmagan qizdan, tug’mas ayoldan, homilador ayoldan kelgan qon hayz hisoblanadimi? - Yo’q, ular istihoza qonidir. - Hayz necha kun keladi? - Har ayolda har xil. Ba’zilarida uch kun, ba’zilarida o’n kungacha. - Nifos nima? - Ayollar tuqqandan yoki bola tushgandan so’ng keladigan qon. Nifos xususida har ayolning mijozi har xil – ba’zilariniki bir soatda to’xtaydi, ba’zilariniki qirq kungacha davom etadi. Qirq kundan oshsa, u istihoza qonidir. - Hayz va nifos ko’rgan ayollar hukmi qanday? - Namoz o’qimaydilar, ro’za tutmaydilar, Qur’on o’qimaydilar, Qur’on va oyat yozilgan narsalarni ushlamaydilar, masjidga kirmaydilar, Ka’batullohni tavof qilmaydilar, kindikdan to tizzalarigacha joylaridan bahra olib bo’lmaydi. Qon tugagach, yuvinmoqlari farz. - Hayz yo nifos ko’rgan ayollar Qur’onni muqovasidan yo jildidan ushlashlari va ham har xil duolar o’qishlari durust bo’ladimi? - Durust bo’ladi. - Istihozadagi ayollarga qanday hukm bor? - Ular pok ayollar qiladigan jami amalni qilishga haqlidirlar. - Hayz va nifosdagi ayollar namoz va ro’za qazosini keyinchalik bajaradilarmi? - Namoz qazolari keyinchalik o’qilmaydi, lekin ro’za qazosi keyinchalik tutiladi. 34-DARS Mavzu: UZRLI ODAM - Bir kishi xastaligi sababli namozning boshidan so’ngigacha tahoratini ushlab turolmasa, unga qanday hukm bo’ladi? - U kishi har namoz o’qilishi oralig’ida bir bor tahorat qilishi lozim. Tahorat qilib, to namozga qadar o’zini tutib turolmasa, qayta tahorat qilmasa ham joiz. - Uzrli kishilar kimlar? - Burni doimo qonab yuruvchi, ko’zidan yiringli yosh doim keluvchi, oldidan doim siydik suvi keluvchi kishilar. Ularning ushbu a’zolaridan boshqa a’zolari tahoratni sindirsa, uzrga o’tmaydi. 35-DARS Mavzu: TAYAMMUM - Tahorat yoki g’uslga suv topa olmagan kishi nima qiladi? - Tayammum qiladi. Tayammumning bayoni bunday: namoz o’qishga niyat qilinadi. Ikki qo’l kaftlari toza tuproqqa urilib, ishqalanadi, yuzga surtiladi. Xuddi suv bilan tahorat chog’idagiday ish tutiladi, hatto burun oralari, qoshning ostlariga ham mash tortiladi. - Tahorat va g’uslning tayammumdan farqi bormi? - Har ikkisining amali bir xildir. - Tayammumda nechta amal bor? - To’rtta: 1. Qilgan tayammumi bilan namoz o’qishni niyat qilmoq. 2. Qo’l ishqalangan narsa yer jinslaridan biri bo’lmog’i. 3. Yer jinsiga qo’lni urib, yuzga ishqalamog’i. 4. Bu holatlarni ikki martadan qaytarmog’i. - Tayammumning sunnati nechta? - Oltita: 1. «Bismillahir rohmanir rohim», demoq. 2. Barmoqlarni ochib kaftni urmoq. 3. Qo’l tuproqqa urilgach, bir oz muddat qo’lni tuproq uzra tutib turmoq. 4. Qo’llarni avval oldinga keltirib nazar tashlamoq, so’ng yuzga surtmoq. 5. Avval yuzga, so’ng o’ng qo’lga, so’ng chap qo’lga mash tortmoq. 6. Xuddi tahoratdagi singari bunda ham oraga boshqa amallarni qo’shmaslik. - Suv bo’lsa ham, tayammumga qilishga qaysi holda ruxsat bor? - Suv ikki chaqirim miqdorida yiroq bo’lsa; suv illatli bo’lsa yoki g’oyatda sovuq bo’lib, kasal qiladigan bo’lsa; suvga tahorat uchun boradigan taqdirda o’ziga yo mol-holiga xavf yaqin bo’lsa; suv olishga idishi bo’lmasa; musofirlikda bo’lib, suvi faqat ichishga mo’ljallangan bo’lsa – bu hollardagi tayammum tahorat, g’usl o’rnida o’tadi. - Namoz vaqti boshlanib qolganda, tahoratga vaqt qolmay, tayammum qilinsa bo’ladimi? - Yo’q. Chunki namoz vaqti o’tsa ham, uni qazo qilib o’qish mumkin. - Yer jinsiga nimalar kiradi? - O’tga tushsa, yonmaydigan, erimaydigan narsalar kiradi. Masalan, tuproq, chang, qum, tosh kabilar. Lekin ular toza holda bo’lmog’i lozim. - Bir tayammum bilan ikki-uch vaqt namoz o’qish mumkinmi? - Buzilguncha necha vaqt namoz kelsa, o’qilaverishi mumkin. - Tayammumni qaysi amallar sindiradi? - Tahoratni qaysi amal sindirsa, tayammumni ham o’sha amal sindiradi. Tahorat qilishga yetarli suv topilgach, qilingan tayammum ham sinadi. http://uzmegavideo.ucoz.ru/
В кинематографе есть уникальное явление, вызывающее бурные эмоции у зрителей. Конечно, это Кино фильмы с их неповторимым колоритом. По замыслу режиссеров, все действие сопровождается музыкой, танцами, а актеры должны играть свои роли с детской непосредственностью. Возможно, именно эта искренность привлекает миллионы поклонников. Особенно популярны эти картины у отечественной публики, поэтому воспроизведение сюжетов на русском и Узбекском языке пользуется повышенным спросом.
Теперь уже можно не довольствоваться редкими встречами с любимым видом искусства. Смотреть кино фильмы в любое время – это всеобщее желание посетителей онлайн кинотеатра. Долгие годы считалось, что перевод в них не обязателен. События понятны без слов благодаря другим средствам выразительности. Но времена меняются, и очень приятно видеть, как знакомые герои начинают говорить приятным мелодичным голосом на русском и узбекском языке. Прекрасные песни остаются в оригинальном исполнении, но голос за кадром не забывает кратко передать содержание текста.
Лучшие кино фильмы убеждают зрителей в том, что все люди братья и сестры. Но не всё так безобидно, как кажется на первый взгляд. За весельем и массовыми танцами скрываются жуткие события: кровная месть, измены, убийства и сложные расследования. Отдельно стоит сказать про выбор актёров и декорации. Именно они играют немалую роль в успехе онлайн проектов по всему миру, даже если сюжеты просты и узнаваемы.
Красочность заставляла смотреть картины, даже когда они не были снабжены качественной озвучкой. Сейчас можно вдоволь насладиться не только музыкальным сопровождением, но и понять все тонкости отношений героев. Это стало возможным благодаря тому, что кино фильмы на русском и узбекском языке всегда можно найти в специальной подборке для поклонников этого направления кинематографа.
Онлайн киноленты повествуют не только о любви. В них затрагиваются социальные проблемы, например, непреодолимая пропасть между людьми из разных каст или огромная разница между богатством и жизнью в бедных кварталах.
Добро пожаловать на
WwW.FiLmLa.Ru
Приятного просмотра и спасибо что посетили сайт.
